Një 19-vjeçar u arrestua në Lezhë, pasi akuzohet për mbajtje pa leje të mjeteve prerëse. Burime zyrtare nga policia bënë me dije se pas hekurave ra shtetasi me inicialet G.D.

“Specialistët për Hetimin e Krimeve të Komisariatit të Policisë Lezhë arrestuan në flagrancë shtetasin G. D., 19 vjeç, banues në Lezhë, pasi iu gjetën në automjet, 2 mjete prerëse (thika). Me cilësinë e provës materiale u sekuestruan mjetet prerëse dhe automjeti i këtij shtetasi.

Specialistët për Hetimin e Krimeve të Komisariatit të Policisë Kurbin referuan materialet në Prokurori, ku nisi procedimi në gjendje të lirë për shtetasin K. D., 51 vjeç, pasi u kap duke kryer punime ndërtimi, pa leje.

Materialet procedurale iu referuan Prokurorisë së Lezhës, për veprime të mëtejshme.”, sqaron policia.