Trajneri i Bolognas, Vincenzo Italiano dha mendimin e tij para ndeshjes  ndaj Napolit, takim ky i vlefshëm për finalen e Superkupën e Italisë.

“Jemi rikuperuar, po përgatitemi të gjithë së bashku për këtë ndeshje. Është fantastike të arrijmë në finale, por në fund, ne i kujtojmë vetëm fituesit. Dhe gjithmonë do të jetë kështu”.

Për faktin që Bolonja konsiderohet si më e uritur për trofe: “Nëse kjo do të ndodhte, do të na kufizonte”, shpjegoi trajneri i Napolit. “Bolonja mund ta ngrejë trofeun, por ata duhet të provojnë se janë më të mirë se ne. Ne do të duhet të paktën të përmbushim dëshirën e tyre për të fituar”.

“Nuk duhet të harrojmë nga kemi ardhur, nga një arritje e jashtëzakonshme dhe e papritur pas një përfundimi në vendin e 10-të. Kemi bërë diçka të jashtëzakonshme. Thashë në fillim të vitit se do të ishte një vit i ndërlikuar, pasi solla nëntë lojtarë të rinj. Transferimet nuk bëhen menjëherë. E dija që do të ishte sezoni im më i vështirë, por në fund të fundit, në ligë, jemi aty ku duhet të jemi”.

“Erdhëm për të luajtur në Superkupë dhe jemi në finale. Kemi një shans për të fituar një titull dhe për të avancuar në gara të tjera. Pavarësisht kompleksiteteve, shumë harrojnë se kemi pasur dëmtime serioze të lojtarëve kryesorë”.