Me nota humori, por edhe me një mesazh domethënës, Parlamenti Europian i ka dhënë Babagjyshit të Vitit të Ri një “identitet europian”, duke theksuar përfitimet konkrete të integrimit brenda Bashkimit Europian.
Në një postim në rrjetin social X, Parlamenti Europian ngre me ironi pyetjen se si arrin Babagjyshi të shpërndajë dhuratat kaq shpejt në të gjithë Europën. Përgjigjja, sipas institucionit europian, lidhet drejtpërdrejt me bashkimin doganor të BE-së dhe Traktatin e Shengenit.
“Pa kontrolle doganore midis vendeve të BE-së, saja e Babagjyshit vazhdon të lëvizë pa probleme nga një ndalesë në tjetrën: pa vonesa, pa burokraci”, thuhet në mesazhin e publikuar.
Postimi synon të përcjellë në mënyrë të thjeshtë dhe të kuptueshme rëndësinë e lëvizjes së lirë dhe bashkëpunimit mes vendeve anëtare, duke e përshtatur mesazhin me frymën festive të fundvitit.
Ever wonder how Santa delivers gifts so fast across Europe?
It's thanks to the EU customs union and Schengen!
With no customs checks between EU countries, Santa’s sleigh keeps moving smoothly from one stop to the next: no delays, no paperwork 🇪🇺🎁 pic.twitter.com/H3WcxFWq7j
— European Parliament (@Europarl_EN) December 23, 2025
