Presidenti francez Emmanuel Macron dënoi dhunën kundër protestuesve në Iran, duke theksuar mbështetjen e tij për liritë themelore dhe solidaritetin e tij me popullin iranian.

“Unë dënoj dhunën e qeverisë iraniane kundër grave dhe burrave që kërkojnë të drejtat e tyre”, tha Presidenti francez.

Kujtojmë se protestat në Iran filluan në fund të dhjetorit 2025 për shkak të zhvlerësimit të monedhës vendase, rialit. Fillimisht, çështja kryesore ishte ndryshimi i menjëhershëm i kursit të këmbimit dhe ndikimi i tij në çmimet me shumicë dhe pakicë, por më vonë protestat në një numër qytetesh të vendit u shndërruan në përleshje me policinë. Pati të vdekur dhe të plagosur si midis forcave të sigurisë ashtu edhe midis pjesëmarrësve në trazira.