Një zjarr shpërtheu në një burg për gra në provincën Sakarya të Turqisë gjatë orëve të natës. Sipas raportimeve, flakët përfshinë një pjesë të objektit, ndërsa në vendngjarje u thirrën menjëherë zjarrfikësit dhe ekipet e shpëtimit.

Për shkak të zjarrit, të burgosurat u evakuuan nga ambientet e burgut. Disa prej tyre u prekën nga tymi dhe katër gra u transportuan në spital për ndihmë mjekësore.

Zjarri u vu nën kontroll dhe u shua brenda një kohe të shkurtër. Autoritetet kanë nisur një hetim për të zbardhur shkaqet e incidentit.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb