Britania është tronditur pas publikimit të dokumenteve të Epstein, dhe përfshirjes së zyrtarëve në skandal. Kryeministri britanik Keir Starmer ndodhet nën presion prej ditësh, ndërsa i është kërkuar dorëheqja.

Starmer mbajti fjalim në një takim me njerëz të Partisë Laburiste Parlamentare në Dhomat e Parlamentit.

“Çdo betejë në të cilën kam marrë pjesë, e kam fituar”, u tha kryeministri deputetëve të tij dhe shpjegoi se nuk do të jepte dorëheqjen. Kam pasur kritikë në çdo hap të rrugës, dhe i kam edhe tani. Por do t’ju them këtë, pasi kam luftuar kaq shumë për mundësinë për të ndryshuar vendin tonë, nuk jam i përgatitur të heq dorë nga mandati im dhe përgjegjësia ime ndaj vendit tim, ose të na zhyt në kaos, siç kanë bërë të tjerët”, tha ai.