Trajneri i Vllaznisë, Edi Martini analizoi fitoren 0-1 ndaj Bylis në Kupë.
“Siç e thashë edhe më parë, jemi për të dy trofetë në valle. Rrezikova shumë duke lënë 6 vetë në Shkodër, duke mos i marrë hiç këtej. Kisha besim te pjesa tjetër e skuadrës. Lojtarët që s’kanë minuta, përfituam dhe u dhamë minuta. Mund të pranonim barazim ose humbje minimale, pasi e rëndësishme për ne është e diela. Çunat bënë mirë, kanë nevojë për minuta, sidomos Dros dhe Kouro. Edhe pjesa tjetër, djemtë e rinj, Doda dhe Bismark dhanë shenja të mira. Nuk humbëm shumë energji, por jam i kënaqur pasi në ndeshjen e kthimit mos ta mendosh shumë, të fokusohesh te kampionati.
Aty ku kishim ne probleme në fillimin e pjesës së parë ishte se Kastrati dhe Hakaj po rrinin shumë poshtë, duke mos bërë presing. Edhe 1 penallti që ishte offside shyqyr Zotit. Aty i lëshuam më shumë terren kundërshtare. Kërkoj që të luajmë 1-2, mos të mbajmë topin, humbëm shumë gjëra, por mos të përsëriten gabimet pasi nuk tolerohen. Ato kishin lojtarët e tyre, në gjysmëpozicioni. Topat që na hynë në qendër na vunë në vështirësi, por lojtarët e mi ishin mirë në ato faza. Lam pa hapësira pas shpine, duke u ndëshkuar për offside. Pjesën tjetër administruam, të mbanim rezultatin dhe të mos harxhonim energji.
Ne kemi luajtur edhe me Teutën edhe një pjesë loje kemi luajtur me 4-3-3. Një arsye është Dodaj, pasi është efikas që luan në anën e majtë, por ai bën edhe sulmuesin, kemi luajtur edhe në Kupat e Evropës me të. Për një moment mundemi të përshtatemi, por Dodaj duhet të përshtatet me lojën tonë. Nuk është në pozicionin e tij natyral, e bën, por jo në mënyrën më të mirë të mundshme.
Dodaj – Murataj, dyshe e rrezikshme në të ardhmen? Unë për fat të mirë timin, s’kam vetëm lojtarë të mirë, por edhe djem të mirë. E kuptojnë objektivin e këtij sezoni. Edhe në varësi të formës së lojtarëve, mund të luaj me 3-4-3 ose me 4 mbrapa. Por gjithmonë duhet të shoh si është gjendja aktuale e gjithsecilit. Nëse unë shoh se gjendja e njërit apo tjetrit është më lart, unë detyrohem që të ndryshoj skemën. Por kam lojtarët që të ndryshoj nga 3-5-2 në 3-4-3 pa bërë zëvendësime, por jemi duke u rritur”, tha Martini.
