NBA është rikthyer të enjten në mbrëmje të zhvillojë 10 ndeshje, pas disa ditësh pushim prej zhvillimit të All Star Game. Në Lindje, Detroit fitoi 126- 111 ndaj New York duelin mes dy ekipeve më të mira në këtë Konferencë. Cade Cuninngham realizoi 42 pikë e 13 asist për Pistons.

Në Perëndim, skuadra e San Antonio vijon marshim, teksa kësaj radhe mposhti 121-94 Phoenix, ku vendimtar ishte stoli, nga ku erdhën 49 pikë. Fitore në sekondën e fundit për Clippers, që mundën 115-114 Denver. Ndeshje ku shkëlqeu Mathurin, autor i 38 pikëve.

Jashtë fushe fiton skuadra e Boston, që mundi 121-110 Golden State. Për miqtë u dallua Pritchard me 26 pikë. Skuadra e Cleveland, falë një loje të mirë kolektive (7 lojtarë mbi 10 pikë), mundi 112-94 Brooklyn.