Tymi u pa të ngrihej mbi disa zona të Puerto Vallarta, në shtetin meksikan të Jalisco, pas raportimeve për sulme dhe ngritje pikash kontrolli nga anëtarë të Jalisco New Generation Cartel (CJNG).
Sipas raportimeve fillestare, persona të armatosur bllokuan rrugë kryesore, dogjën automjete dhe ngritën barrikada në disa pika strategjike të qytetit turistik, duke shkaktuar panik te banorët dhe vizitorët.
Ngjarjet vijnë pas raportimeve për eliminimin e liderit të kartelit, Nemesio Oseguera Cervantes, i njohur si “El Mencho”. Ekspertët e sigurisë paralajmërojnë se humbja e figurës kryesore të organizatës mund të çojë në përplasje të brendshme për kontrollin e grupit, si dhe në një valë të re dhune mes fraksioneve rivale dhe forcave shtetërore.
Autoritetet meksikane kanë shtuar praninë e forcave të sigurisë në zonë dhe po punojnë për të rikthyer normalitetin, ndërsa situata mbetet e tensionuar.
