Mbretëria e Bashkuar po dërgon helikopterë dhe destrojerin HMS Dragon për të përforcuar sigurinë në bazën ushtarake të Akrotirit në Qipro, e cila është sulmuar nga mjete ajrore pa pilot (UAV).

Kryeministri britanik Keir Starmer e tha këtë në rrjetin social “X”.

“Mbretëria e Bashkuar mbështet plotësisht sigurinë e Qipros dhe ushtrinë britanike të vendosur atje. Ne vazhdojmë operacionet tona mbrojtëse. Sapo fola me Presidentin e Qipros dhe i thashë se po dërgojmë helikopterë të aftë për të rrëzuar UAV-të. HMS Dragon do të vendoset në rajon. Ne gjithmonë do të veprojmë në interes të Mbretërisë së Bashkuar dhe aleatëve tanë”, shkroi kreu i qeverisë britanike.