Një shfaqje e pazakontë kjo e Monika Kryemadhit. Sapo ka lënë ambientet e GJKKO-së, ku gjykata vendosi të kalonte dosjen e saj bashkë me atë të ish-bashkëshortit të saj, Ilir Meta, për gjykim, Kryemadhi u shfaq teksa pinte cigare.

Skena ndodhi teksa avokati i saj, Kujtim Cakrani sqaronte vendimin që dha sot Gjykata, ndërsa bënte kundërshtitë e tij.

Meta dhe Kryemadhi, akuzohen për korrupsion, pastrim parash dhe fshehje pasurie.

Në këtë proces të pandehur janë edhe Pirro Xhixho, Ema Çoku dhe Fatime Kryemadhi, mamaja e ish kryetares së LSI. Xhixho, babai i zv. presidentes aktuale të PL-së Erisa Xhixho, akuzohet për korrupsion, ndërsa dy të tjerat për pastrim parash.