Takimet midis SHBA-së dhe Iranit mund të zhvillohen që këtë javë, tha i dërguari i Donald Trump, Steve Witkoff.

Duke folur për luftën e Iranit në një aktivitet në Miami, Steve Witkoff tha: “Ne mendojmë se do të ketë takime këtë javë. Sigurisht që shpresojmë për këtë.”

Zgjatja e pezullimit të sulmeve amerikane në objektivat energjetike iraniane nga Donald Trump shihet si “një gjë vërtet pozitive” nga Uashingtoni, tha Witkoff.

Është “e qartë” se SHBA-të dhe Irani po negociojnë dhe se disa anije tani po kalojnë nëpër Ngushticën e Hormuzit, tha ai.

Witkoff shtoi: “Ne mund të kemi një përkufizim të ndryshëm të negociatave nga ai që kanë ata.”