Një avion i kompanisë American Airlines që ishte nisur nga New York drejt Chicago është devijuar të dielën dhe është ulur në mënyrë emergjente në aeroportin Detroit Metropolitan Airport, ku më pas është rrethuar nga agjentë të FBI-së.

Sipas një deklarate zyrtare, një zëdhënës i FBI në Detroit konfirmoi praninë e agjentëve në aeroportin DTW në Romulus, Michigan, duke thënë se po zhvillohen veprime të byrosë.

“Personeli i FBI-së në Michigan është në vendngjarje duke kryer veprime ligjzbatuese. Nuk ka asnjë kërcënim aktual për publikun,” thuhet në deklaratë.

Autoritetet po vijojnë hetimet për të sqaruar rrethanat që çuan në devijimin e fluturimit, ndërsa deri më tani nuk janë dhënë detaje të mëtejshme mbi incidentin.