“Teherani në thelb po kërkon një marrëveshje me Uashingtonin”, kështu u shpreh nga Sekretari i Shtetit i SHBA-së, Marco Rubio, duke theksuar se kushti kryesor mbetet parandalimi i Iranit nga blerja e armëve bërthamore.

Në një intervistë për Fox News, Rubio vuri në dukje se pala iraniane po kërkon të kapërcejë situatën e vështirë në të cilën ndodhet.

“Unë besoj se ata janë seriozë në përpjekjen për të dalë nga ngërçi në të cilin janë gjendur”, tha ai.

Kreu i diplomacisë amerikane u përqendrua në veçanti në përkeqësimin e kushteve ekonomike në Iran.

“Të gjitha problemet që ekzistonin para fillimit të konfliktit mbeten dhe në shumicën e rasteve, janë përkeqësuar”, tha ai.

Në të njëjtën kohë, ai theksoi se çdo marrëveshje duhet të përfshijë garanci të qarta: “Ne duhet të sigurohemi që çdo marrëveshje ta pengojë përfundimisht Iranin të lëvizë drejt zhvillimit të një arme bërthamore në çdo kohë”, vuri në dukje ai.