Transferimi i uraniumit të pasuruar të Iranit drejt Shteteve të Bashkuara është një nga kushtet kryesore për arritjen e një marrëveshjeje paqeje.

Kështu ka deklaruar presidenti amerikan Donald Trump në një bisedë telefonike me PBS News, ku konfirmoi se materiali bërthamor do të kanalizohet në territorin amerikan, ndërsa në këmbim Irani do të angazhohet për çmontimin e objekteve të tij bërthamore nëntokësore për një periudhë të gjatë kohore, si shenjë e vullnetit të mirë.

Uashingtoni duket pranë arritjes së një marrëveshjeje, e cila mund të finalizohet përpara udhëtimit të Trump në Kinë javën e ardhshme.

Presidenti amerikan theksoi se negociatat janë në progres, por paralajmëroi se nëse Irani tërhiqet nga angazhimet, SHBA-të janë të gatshme të rikthehen menjëherë në sulme të forta ushtarake.

Ky presion diplomatik dhe ushtarak shoqërohet edhe me një “ngrirje” të përkohshme të misionit për shoqërimin e anijeve tregtare nëpër Ngushtica e Hormuzit, një veprim që interpretohet si sinjal i progresit në negociata.

Zhvillimet e fundit tregojnë se palët janë në një fazë vendimtare, ku çdo hap mund të përcaktojë drejtimin e situatës në rajon.