Tensione janë regjistruar në një burg në Venezuelë, ku të burgosurit kanë shpërthyer në protesta të dhunshme, duke i vënë flakën dyshekëve dhe duke pushtuar çatinë e institucionit.
Sipas raportimeve të Reuters dhe organizatës për të drejtat e njeriut OVP, të burgosurit kërkojnë dorëheqjen e drejtorit të burgut, ndërsa akuzojnë rojet për tortura, rrahje dhe ekzekutime të të burgosurve të paarmatosur.
Prisoners riot at a Venezuelan prison
Inmates set mattresses on fire and seized the prison roof, demanding the resignation of the facility’s director.
The prisoners accuse guards of torture, beatings, and executing unarmed inmates. According to Reuters and the human rights… pic.twitter.com/tvAYq6sPTb
— NEXTA (@nexta_tv) May 25, 2026
Gjatë trazirave, disa persona kanë mbetur të plagosur nga armë zjarri, ndërsa situata jashtë burgut u tensionua edhe më tej, pasi familjarët e të burgosurve u përleshën me efektivët e Gardës Kombëtare.
Pamjet nga vendi i ngjarjes tregojnë re të dendura tymi të zi që ngriheshin mbi burg dhe ishin të dukshme nga kilometra larg.
