Pas muajsh spekulimesh, Keir Starmer dha dorëheqjen si kryeministër i Britanisë.

Favoriti kryesor për ta zëvendësuar atë është deputeti i ri laburist, Andy Burnham, i cili shënoi një fitore historike në zgjedhjet e pjesshme të Makerfield më 18 qershor.

Përmes një postimi në rrjetet sociale, ndaj dorëheqjes së Keir Starmer Andy Burnham, konfirmon se do të kandidojë për të marrë drejtimin e Laburistëve.

“Keir i ka dhënë një shërbim të jashtëzakonshëm vendit tonë dhe dua ta falënderoj për udhëheqjen dhe përkushtimin e tij gjatë një periudhe kaq sfiduese.
Vendimi i tij shënon fillimin e një tranzicioni dhe është e rëndësishme që ky proces të kryhet në një mënyrë të rregullt dhe të përgjegjshme. Unë do të jem pjesë e këtij procesi.

Vendi pret stabilitet, seriozitet dhe një fokus të vazhdueshëm në çështjet që kanë më shumë rëndësi dhe kjo është ajo që do të marrë. Ndërsa ecim përpara, përparësia jonë duhet të jetë të punojmë së bashku për ta rikthyer vendin aty ku të gjithë duam të jetë. Njerëzit duan të shohin përparim në rritjen ekonomike, koston e jetesës, shërbimet publike, strehimin dhe mundësitë për brezin e ardhshëm. Ndryshimi politik nuk duhet të shkëpusë kurrë vëmendjen nga përgjegjësia për të përmirësuar jetën e njerëzve. Lëvizja Laburiste ka qenë gjithmonë e fortë kur shikon përpara me besim dhe qëllim.
Kjo është ajo që do të bëjmë nga këtu e tutje dhe do të sigurohemi që ky tranzicion të jetë një proces pozitiv ripërtëritjeje për partinë dhe vendin tonë”, shkruan ai.