Një krim brutal në të cilin një burrë u qëllua për vdekje nga sulmues të panjohur ndërsa po hynte në makinën e tij ndodhi në orët e para të së mërkurës në lagjen Esenyurt të Stambollit, Turqi .

Ekzekutimi me gjakftohtësi ndodhi rreth orës 5 të mëngjesit kur Semus Mert K. shkoi te makina e tij për të hapur derën.

Pastaj u shfaqën dy burra të panjohur, njëri prej të cilëve iu afrua viktimës dhe e qëlloi atë disa herë. Siç mund të shihet në videon e kamerës së sigurisë që regjistroi momentin e ekzekutimit, burri që hapi zjarr qëlloi edhe të shtënën përfundimtare ndaj Mert K.

Sipas mediave turke, viktima e ekzekutimit ishte i martuar dhe baba i një fëmije. Gruaja e tij, në fakt, ishte e para që mbërriti në vendin e krimit dhe pësoi një krizë nervore me të parë burrin e vdekur.

Hetimet e policisë turke janë duke vazhduar për të identifikuar dy autorët që ikën në drejtim të panjohur pas ekzekutimit, me motivin e krimit ende të paqartë.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb