“Dua të eci si të gjithë shoqet.”. Kjo është thirrja e Artemisa Sulës, vajzës 30-vjeçare nga Cerriku, të cilën fati e ka sfiduar që në vegjëli, duke kaluar një kalvar të gjatë vuajtjesh, si pasojë e sëmundjeve të rënda.

Ende pa mbushur tre vjeçe, Artemisa u përball me sëmundje të njëpasnjëshme, vizita të panumërta mjekësore, trajtime të gjata që i vështirësonin përditshmërinë. Megjithatë, ajo nuk u dorëzua asnjëherë, ndoqi hap pas hapi shkollimin deri në klasën e 12-të, por për shkak të kushteve dhe vështirësive ëndrra për të vijuar edhe më tej mbeti në sirtar, pasi u diagnostikua me një sëmundje të pashërueshme që i pamundësoi ecjen. Nëna e Artemisës, Myrvete Sula thotë se kjo sëmundje nuk trajtohet në Shqipëri, ndërsa trajtimin jashtë vendit nuk e përballojnë dot.

Prindërit e Artemisës thonë se jetojnë me ndihmë ekonomike, ndërsa drejtojnë apel për ndihmë. Me shpresën që të ringrihet sërish më këmbë, Artemisa Sula beson se dora e solidaritetit do të shtrihet drejt saj, për t’i rikthyer sërish buzëqeshjen.

Kontakt +355 68 505 8207