Kreu i Partisë Mundësia, Agrion Shehaj, i cili është i përjashtuar nga punimet e Kuvendit, ka tentuar të hyjë në Parlament.

Shehaj është ndaluar që të hyjë nga punonjësit e Gardës.

“Çfarë është kjo diktaturë? Më tregoni urdhrin. Si ndalon i një deputet të hyjë në Kuvend? Urdhrin ku e keni urdhrin? Më trego shkresën ku e ke ku është vendimi. Si i ndaloni ju deputetët të hyjnë në Kuvend? Hiqi duart, hiqi Duart. Do mbani përgjegjësi për këtë do mbani përgjegjësi Mos më shty! Mos më shty! Më tregoni urdhrin, më tregoni vendimin Ku e ke vendimin ti kush të ka urdhëruar ty? Ku e ke urdhrin? Është çmenduri, duhet të futesh në Kuvend me dhunë”, tha ai.

Shehaj pretendon se është shlyer përjashtimi i tij nga punimet e Kuvendit, ndëshkim prej 30 ditësh i vendosur më 22 qershor nga Byroja.