Presidenti i SHBA-së, Donald Trump, ka paralajmëruar një përgjigje të fortë pasi forcat amerikane kapën dhe neutralizuan një sulm me raketa balistike iraniane që kishte në shënjestër Jordaninë gjatë natës. “Nuk do të ndalemi derisa t’i mposhtim plotësisht. Do t’i godasim fort”, deklaroi Trump në një intervistë për Fox News të mërkurën në mëngjes.

Sipas tij, ushtria amerikane kishte vetëm pak minuta kohë për të reaguar ndaj sulmit të papritur, duke arritur të rrëzojë raketat përpara se ato të godisnin objektivat e tyre. Trump tha se kishte parë pamjet e operacionit, ku personeli amerikan komunikonte koordinatat në kohë reale gjatë procesit të përgjimit të raketave.

Presidenti amerikan bëri të ditur gjithashtu se sulmet e kryera nga SHBA-ja dhe Arabia Saudite kundër milicive shiite të mbështetura nga Irani në Irak ishin zhvilluar në koordinim me qeverinë irakiane.

Trump i cilësoi këto milici si “një kancer për botën” dhe shtoi se administrata e tij po shqyrton vendosjen e paralajmërimeve dhe masave shtesë ndaj Iranit.