Protesta mbushi sheshin para Kryeministrisë edhe në ditën e 70-të, mbrëmjen e së shtunës, me qytetarët që që u mblodhën duke mbajtur pankarta dhe duke artikuluar thirrje kundër qeverisë.

Në pankartat e protestuesve ishin shkruar mesazhe si “Toka nuk shitet!”, “Ligji në shërbim të njerëzve, jo të oligarkëve!” dhe “Together for Albania!”.

Gjatë protestës u dëgjuan edhe thirrje: “Po vjen dita, po vjen ora, për t’ju shporrur ju, o horra!”, të cilat u përsëritën nga protestuesit gjatë tubimit.

Me pankarta, slogane dhe thirrje politike, protestuesit kanë vijuar të përcjellin mesazhin e tyre kundër qeverisë dhe politikave që ata i konsiderojnë në favor të oligarkëve.