Dëshmia e vajzës 19-vjeçare të dy mjekëve të ndaluar në kuadër të hetimeve për vdekjen e këngëtarit grek Giorgos Mazonakis zgjati më shumë se një orë përpara hetuesit. E reja u paraqit për të dëshmuar pas një kërkese të bërë nga babai i saj, përpara se ky i fundit të paraqitej për të dhënë shpjegimet e tij. Sipas informacioneve të publikuara nga mediat greke, pyetjet u përqendruan te ngjarjet në klinikën e Rrugës Karneadou, gjatë orëve kur këngëtari ndodhej aty.

Sipas të njëjtave burime, 19-vjeçarja dyshohet se konfirmoi se ishte ajo që telefonoi shërbimet e urgjencës, por pretendoi se nuk e kishte parë Giorgos Mazonakis.

Një tjetër çështje e trajtuar gjatë dëshmisë ishte procedura e plazmaferezës, së cilës, sipas pretendimeve të nënës së saj, i ishte nënshtruar vajza. E reja thuhet se konfirmoi se kishte kryer këtë procedurë, duke sqaruar se ajo ishte zhvilluar në dy faza. Hetimet vijojnë për të zbardhur rrethanat e ngjarjes dhe për të përcaktuar çfarë ndodhi në klinikë gjatë orëve kritike.