Ish-kreu i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjitike Shqiptare (KESH), Erald Elezi, janë paraqitur sërish ditën e sotme në ambientet e Prokurorisë së Posaçme (SPAK).

Të dy kanë dalë vetëm pak momente më parë nga godina e prokurorisë, ku u pyetën në kuadër të hetimeve që po zhvillohen lidhur me procesin ndaj Evis Berberit, ish-kreut të ARRSH.

Kjo nuk është hera e parë që Gjyli dhe Elezi përballen me prokurorët e posaçëm, pasi ata janë paraqitur në SPAK edhe pak ditë më parë në vijim të procedimeve penale dhe hetimeve që po kryhen ndaj tyre.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb