Ka nisur revolta e studentëve dhe e gjimnazistëve të Shqipërisë edhe gjatë ditës së sotme, 16 tetor.

Gjimnazistët në Kamëz kanë bojkotuar mësimin, duke bërë thirrje kundër qeverisë.

Ata mbajnë një flamur kombëtar në duar, duke u shprehur se të gjithë duhet të shkojnë pas flamurit. “Revolucion”, është thirrja e tyre. Ndonëse kanë tentuar që të vijnë drejt Tiranës, të rinjtë janë penguar nga policia. Gjatë përballjes me efektivët e policisë, një prej punonjësve të Forcave të Ndërhyrjes së Shpejtë u është drejtuar gjimnazistëve me fjalët: “Ikni në shtëpi se jeni kalamaj, ç’punë keni ju me të tjerët?”.

Revolta sot nisi nga Lezha, ku gjimnazistët u përleshën me efektivët.