Marshimi i protestuesve po vijon me dinamika të reja në rrugët e kryeqytetit, ndërsa turma i është afruar godinës së Ministrisë së Ekonomisë.

Me t’u afruar protestuesit pranë institucionit, forcat e policisë kanë ndërhyrë menjëherë për të frenuar përparimin e tyre. Për të shpërndarë turmën e grumbulluar dhe për të mbajtur perimetrin e sigurisë, efektivët e rendit kanë hedhur sasi të mëdha gazi lotsjellës.

Tymi i dendur ka mbuluar zonën përreth ministrisë, ndërsa protestuesit janë detyruar të zmbrapsen përkohësisht. Ndërhyrja e forcave të rendit ka shkaktuar kaos dhe vështirësi në frymëmarrje mes pjesëmarrësve, ndërkohë që situata në terren mbetet tejet e ndezur.