Neymar vetëm pak muaj më parë nënshkroi kontratë të re me Barcelonën, që e bëri atë lojtarin më të paguar përsa i përket pagave neto, 30 mln euro në vit. Një marrëveshje që e mban të lidhur superstarin brazilian për pesë vite, por gjithsesi Neymar ka një dëshirë tjetër larg “Camp Nou-t”, të rikthehet në vendlindje.
24-ër vjeçari është produkt i akademisë së famshme të Santosit, nga ku u bë ai lojtar që kompletoi lëvizjen te gjigandët spanjoll. Por dëshira është të luaj në mitikun “Macarana”, për rrjedhojë Flamengon, ekipi që luan në këtë stadium, raporton “goal.com”
Pas një takimi që u zhvillua në Brazil për nder të viktimave të Chapecoenses, Neymar u shpreh: “Nëqoftëse do të mund të luaja për Flamengon, do të ishte një nder i madh të luaja në “Maracana”.
“Po të kisha mundësi do të luaja atje çdo ditë. Është një klub që dua të luaj.”
Neymar nuk është i vetmi lojtar I Barcelonës që dëshiron të jetë pjesë e Flamengos, por i të njëjtin mendim është edhe mesfushori Rafinja.
23-vjeçari nuk ka luajtur kurrë për një ekip në shtetin e tij amë pasi është bërë pjesë e “la massia-s” që në moshën 13-të vjeçare.
Rreth kësaj çështje ai është shprehur: “do të isha i gatshëm, një dite, të luaja për Flamengon”.
Për momentin të dy lojtarët janë të përqendruar për të luajtur në “Camp Nou” dhe për të ndihmuar ekipn të arrijë të gjithë trofetë e rëndësishëm të 2017-ës, por si brazilianë që janë, kanë dëshirë të luajnë në stadiumin ku kombëtarja e tyre ka kaq shumë histori.
(e.k/BalkanWeb)
