SHKODËR – Partia Socialiste ka shkarkuar sot edhe kryetarin e PS-së në Shkodër, Andi Hallunin dhe në vend të tij ka emëruar Gaspër Volajn. Lajmi është bërë i ditur nga burime të besueshme.
Shkarkimi i Hallunit duket se është rrjedhojë e përjashtimit të deputetit Tom Doshi nga Grupi Parlamentar i kësaj partie. Halluni mbante edhe postin e drejtorit të OSHEE-s për qarkun e Shkodrës.
Por, pas këtij lajmi, vetë Halluni ka deklaruar për “News 24” se nuk ka dijeni për shkarkimin. “Nuk kam asnjë komunikim zyrtar, – tha Halluni. – Sapo jam ndarë me Kryetaren e PS-së për qarkun. Shkarkimi mund të jetë i vërtetë, por nuk kam ende dijeni.”
Deputeti Tom Doshi u përjashtua sot nga radhët e deputetëve socialistë pas akuzave të rënda të tij ndaj Qeverisë, Kryeministrit dhe Kryetarit të Parlamentit.
(ar.sh/BalkanWeb)