TIRANË-Një 21-vjeçar ka rënë në pranga, pasi akuzohet se nxirrte në rrugë për të lypur bashkëjetuesen e tij me foshnjën 8 muajshe.
Burime zyrtare nga policia e Tiranës bënë me dije se bëhet fjalë për Embra Nuredinin, banues në Tiranë.
NJOFTIMI I POLICISË
Më datë 28.08.2017, shërbimet e policisë të Komisariatit Nr.2, kanë bërë të mundur arrestimin e shtetasit :
– Embra Nuredini, 21 vjeç, banues në Tiranë.
Arrestimi i këtij shtetasi është bërë i mundur, pasi ky shtetas më datë 28.08.2017, rreth orës 11:00 është konstatuar në bulevardin “Bajram Curri” duke lypur së bashku me bashkëjetuesen e tij dhe një foshnjë 8 muajshe.
Materialet u referuan në Prokurorinë e Rrethit Gjyqësor Tiranë, në ngarkim të shtetasit të lartpërmendur për veprën penale “Keqtrajtim i të miturit”, parashikuar nga neni 124/b i Kodit Penal.
(ed.me/BalkanWeb)
