PRISHTINË- Gjykatësi i njohur Gjin Gjoni është vlerësuar së fundmi me një titull mirënjohje në Kosovë. Mësohet se Këshilli Gjyqësor i Kosovës i ka akorduar titullin e Mirënjohjes, gjykatësit Gjoni për kontributin e tij, në anëtarësimin e Republikës së Kosovës në Rrjetin Ballkanik dhe Euro Mesdhetar, si dhe anëtarësimin në bordin e këtij rrjeti.
Gjoni mori pjesë në cilësinë e Presidentit të Rrjetit, në konferencën e 7-të gjyqësore në Kosovë, ku mbajti edhe një fjale përshëndetëse. Në këtë konferencë, Gjoni takoi edhe shkëmbeu një bisedë të shkurtër edhe me Presidentin e Republikës së Kosovës, Hashim Thaçi.
Gjatë punimeve të konferencës, zoti Gjoni zhvilloi takime me të gjithë drejtuesit e institucioneve të drejtësisë në Republikën e Kosovës.
Gjithashtu, zoti Gjoni u takua edhe me ambasadorin e OSBE në Kosovë, me të cilin shkëmbeu ide rreth sistemit gjyqësor.
(m.k/BalkanWeb)
