FUSHE ARREZ– Thellohet konflikti i ndodhur paraditen e sotme mes dy familjeve në Fushë Arrëz. Shtetasi Vladimir Toplana i ka zënë pritë serish Artan Geges dhe të afërmve te tij. Toplana sipas denoncimit të Geges në polici ju ka zënë pritë në rrugën e fshatit.
“Kemi dëgjuar dy krisma pistolete teksa po largoheshim shpejt me makinë”- ka thënë ai.
Gazetari Armir Mehaj raporton për “BalkanWeb” se Vladimir Toplana është punonjës i zjarrfikëses me precedent të mëparshëm penal. Më herët Toplana në negociatat me policinë kishte premtuar vetëdorzim në polici. Banesat e Toplanes dhe Geges mësohet se janë pranë njëra-tjetrës, ndërsa policia ka marrë në mbrojtje familjen Gega në fshatin Lumardh.
Kujtojmë se gjatë ditës së sotme Vladimir Topjana, me një mjet ‘fuoristradë’ të cilin ai e drejtonte ka goditur me mjetin tip ‘golf’ shtetasin Artan Gega, i cili ka qenë në mjet sebashku me babain dhe xhaxhain e tij.
Burime nga policia bëjne me ditur se Topjana dhe Gega para një viti kishin konflikt të shkaktuar për motive të dobëta në fshatin Lumardh ku dhe jetonin.
(d.d/BalkanWeb)
