Në ‘Ligue 1’, kampionatin elitar të futbollit në Francë, ka mbetur edhe 1 javë për t’u zhvilluar para se të mbyllet sezoni, por dje Shoqata e Futbollistëve Profesionistë ka akorduar disa çmime.
Lojtari më i mirë i sezonit u shpall Naymar edhe pse 26-vjeçari ka luajtur deri në muajin shkurt. Për çmimin goli më i mirë i sezonit fitues ka qenë një tjetër brazilian, por jo 10 i Paris SG.
Talenti 20-vjeçar Malcom i cili luan te Bordeaux ka shënuar Golin e Vitit në ndeshjen e luajtur më 29 dhjetor të vitit të kaluar ndaj Dijon.
Malcom vendos të godasë nga një distancë e largët, me topin që niset si një raketë nga këmba e tij dhe përfundon në rrjetë.
Ai ka tërhequr vëmendjen e shumë klubeve të mëdha europiane, si Bayern dhe Arsenal. Bordeaux do të fitojë shumë para nga shitja e tij, duke parë që e ka blerë para tre viteve për vetëm 5 milionë euro.
(e.k/BalkanWeb)
