Zinedin Zidan është gati t’i kthehet punës pas asaj dorëheqje befasuese si trajner i Real Madrid menjëherë pasi ‘galatktikët’ siguruan “Championsin” e 3 radhazi.
Gazetari Juanma Rodríguez nga burimet e afërta pranë presidentit Andrea Agnelli shkruan se Juventusi i ka ofruar francezit një post drejtuesi. Nuk bëhet fjalë në rolin e trajnerit, por atë të këshilltarit të drejtorit sportiv.
Ky do të ishte një rikthim i Zidan te italianët ku ka luajtur si futbollist. Të tjera burime nga “Libertad Digital” raportojnë se francezi e ka pranuar detyrën dhe nga puna do të nisë në muajin tetor.
Drejtor sportiv i Juventusit është Fabio Paratici. Ndërkohë kujtojmë se disa muaj më parë u përfol se klubi bardhezi kërkonte Zidan për të zëvendësuar Allegrin, por mesa duket ky i fundit vazhdon të bindë italianët me punën e tij.
(e.k/BalkanWeb)
