Drejtuesit e klubit nuk kanë preferuar që të prononcohen për arrestimin e kapitenit të Partizanit dhe i vetmi që ka folur për këtë çështje ka qenë zëdhënësi për shtyp i të kuqve, Olsi Ranxhi.
“Panorama Sport” është interesuar që të marrë një prononcim mbrëmë nga drejtuesit e lartë, por si presidenti Demi dhe drejtori Rama nuk kanë preferuar që të përgjigjen.
Ndërsa zëdhënësi për shtyp i të kuqve, Olsi Ranxhi, ka konfirmuar për “Panorama Sport” se klubi është në dijeni të çështjes dhe drejtuesit po interesohen për sqarimin e situatës së kapitenit Hoxha.
“Klubi është në dijeni të çështjes dhe drejtuesit po interesohen për sqarimin e situatës së portierit. Për momentin nuk mund të themi më shumë”, u shpreh Ranxhi për gazetën. Mbase për të mos nxituar, klubi kërkon të sqarojë situatën dhe më pas të vendosë se çfarë do të ndodhë me kapitenin./Panoramasport
