Rusia thotë se ka rrëzuar tre drone në përpjekje për të sulmuar kryeqytetin e Moskës gjatë natës.

Ministria ruse e mbrojtjes bën me dije se dy drone u shkatërruan me sukses mbi rajonet Mozhaisk dhe Khimki, ndërsa një tjetër u bllokua dhe goditi një ndërtesë në kompleksin e qytetit të Moskës. Sakaq nuk raportohet për asnjë të lënduar. Sipas autoritetit shtetëror të aviacionit të Rusisë, fluturimet në aeroportet lokale u pezulluan, por u rihapën disa orë, më vonë.

Moska i quajti sulmet me dron si “veprime terroriste” nga Ukraina.

Sakaq Kievi ende nuk ka komentuar ngjarjen apo të marrë përsipër sulmet.

(BalkanWeb)

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb