Dick Van Dyke u përfshi në një aksident me makinë në Malibu pasi humbi kontrollin e makinës së tij.
Sipas TMZ, policia iu përgjigj thirrjeve për aksidentin e aktorit 97-vjeçar, makina e të cilit u përplas me një portë.
Dyke humbi kontrollin e makinës së tij pasi ajo rrëshqiti në rrugë pas shiut të dendur në Los Anxhelos dhe sipas të njëjtave raporte, “legjenda” e Hollivudit u gjet i gjakosur nga hunda dhe goja pas tronditjes.
Kjo aventurë përfundoi e lumtur për aktorin veteran, i cili doli nga aksidenti me lëndime të lehta. Atij iu dha ndihma e parë nga mjekët në vendin e aksidentit pa pasur nevojë të shkojë në spital.
Dick Van Dyke was behind the wheel of a single-car crash in Malibu. https://t.co/EYjFcnwBnx
— TMZ (@TMZ) March 22, 2023
Pas thashethemeve që qarkulluan, autoritetet kanë sqaruar se droga dhe alkooli nuk ishin përfshirë në këtë rast dhe se policia ka depozituar dokumentet e nevojshme për të kërkuar përsëritjen e provës së drejtimit të Dyke. Ata përmendën moshën e tij si një nga arsyet e aplikimit.