Një aksident rrugor është regjistruar mëngjesin e sotëm në Vlorë, ku dy automjete janë përplasur me njëri-tjetrin.

Ngjarja ka ndodhur rreth orës 07:30, në rrugën “Damian Humariti”, në vendin e quajtur “Tregu i Frutave”. Automjetet drejtoheshin nga shtetasit D. D., 30 vjeç dhe E. O., 51 vjeç.

Në njërin prej automjeteve, që drejtohej nga 30-vjeçari D. D., ndodheshin edhe pesë pasagjerë. Njëri prej tyre është transportuar në spital për ndihmë mjekësore dhe, pasi ka marrë trajtimin e nevojshëm, është larguar nga spitali.

Pas aksidentit, të dy drejtuesit e automjeteve janë shoqëruar në Komisariatin e Policisë për veprime të mëtejshme.

Grupi hetimor vijon punën për dokumentimin e ngjarjes dhe përcaktimin e plotë të rrethanave dhe shkaqeve të aksidentit.