Zëdhënësja e PD Jola Hysaj ka reaguar në lidhje me aksionin e marrë për konfiskimin e Prestige Resort.

Hysaj tha se frymëzimi i qeverisë për t’i mbyllur gojën shqiptarëve opozitës dhe medias nuk pyet as për ditë pushimi.

Ajo e quajti aksionin e sotëm një akt vandal në dhunim të fjalës së lirë, ndërsa shtoi se një hakmarrje e tillë mund të vijë vetëm nga një kryeministër i sëmurë patologjik.

Postimi i plotë:

Çdo ditë tema kryesore është pse ikin shqiptarët, çdo ditë dëgjojmë në lajme vrasje makabre duke na shtuar pasigurinë dhe terrorin.
Sot është Dita e Sulltan Novruzit,ditë ku hareja dhe mirësia na shoqëron drejt pranverës, çdo ditë e më shumë paaftësia e shtetit në ruajtjen e sigurisë bëhet më evidente.
Por do ti ,që sa herë ka ditë pushimi frymëzohet shteti për të punuar??
Dëshira për t’i mbyllur gojën shqiptarëve, opozitës e medias bëhet gjithmonë e më e fortë .
Ajo ç’ka po ndodh me Prestige Resort, sërisht është një akt vandal e një tentativë e vazhdueshme për të dhunuar biznesin dhe fjalën e lirë .
Hakmarrja mafioze e kryeministrit nuk paska të sosur, vetëm një i sëmurë patologjik, një diktator arrin deri në këtë pikë.
Tejkalim dhe dhunim i çdo të drejtë të njeriut, neser mund t’i ndodh secilit prej nesh ajo çfarë po ndodh me një nga bizneset dhe mediat më të mëdha në vend.

(BalkanWeb)