Një ekip i OKB-së ka arritur në përfundimin se ka “baza të arsyeshme për të besuar” se dhuna seksuale, përfshirë përdhunimet dhe abuzimet seksuale në grup, janë kryer gjatë sulmeve të Hamasit në Izrael më 7 tetor. Ata thanë gjithashtu se kishte “informacion bindës” se pengjet i ishin nënshtruar dhunës seksuale.
Hulumtimi ne terren u drejtua nga Pramila Patten, Përfaqësuesja Speciale e OKB-së për Dhunën Seksuale në Konflikt. Hamasi ka mohuar se personat e armatosur kanë sulmuar seksualisht gratë gjatë sulmeve. “Ekipi ynë zbuloi se ka arsye të arsyeshme për të besuar se dhuna seksuale e lidhur me konfliktin ka ndodhur në shumë vende gjatë sulmeve të 7 tetorit”, thuhet në raportin e OKB-së.
Këto ndodhën në të paktën tre vende – vendi i festivalit muzikor Nova dhe rrethinat e tij, Road 232 dhe Kibbutz Re’im, thuhet ne raport. Në raport, OKB-ja tha se kishte “gjetur informacion të qartë dhe bindës se dhuna seksuale, duke përfshirë përdhunimin, torturën seksuale, trajtimin mizor, çnjerëzor dhe poshtërues ishte kryer kundër pengjeve”. Persona të armatosur të Hamasit depërtuan në Izraelin jugor më 7 tetor duke vrarë rreth 1200 njerëz dhe duke marrë peng 253 të tjerë.
(BalkanWeb)
