Në limite të afatit për regjistrimin e koalicioneve, PD ka dorëzuar në KQZ, shkresën për regjistrimin e koalicionit opozitar në zgjedhjet e 25 prillit.
Shkresa u dorëzua në KQZ pas takimeve intensive që kryedemokrati Lulzim Basha zhvilloi në seli me aleatët, duke finalizuar më pas marrëveshjet për koalicionin e madh opozitar, i përbërë nga 13 parti, pagëzuar me emrin ‘Aleanca për ndryshim’.
Sakaq Lëvizja Socialiste për Integrim ka zgjedhur që të kandidojë si parti e vetme më 25 prill, megjithatë pritet që në disa qarqe të vendit, ku ajo e sheh si të vështirë të sigurojë qoftë një mandat deputeti, mund të futet me lista të përbëra së bashku me Partinë Demokratike.