Kreu i grupit parlamentar të PD-së, Enkelejd Alibeaj iu është bashkuar reagimeve ku ka përkujtuar 24-vjetorin e vrasjes së ish-deputetit Azem Hajdari.

Përmes një reagimi në ‘Facebook’ Alibeaj thekson se vrasja e Hajdarit ishte krim politik.

REAGIMI I ALIBEAJT
Më 12 shtator 1998 u vra pranë selisë së PD një nga figurat kryesore jo vetëm për demokratët por për të gjithë spektrin e politikës shqiptare. Vrasja e Azem Hajdarit ishte një krim politik në një moment tejet delikat për Shqipërinë e dalë nga kaosi i trazirave të vitit 97. Në 24 vjetorin e vrasjes, demokratët kujtojnë me nderim dhe respekt një nga drejtuesit kryesorë dhe me peshë të padiskutueshme të historisë së PD dhe Shqipërisë.
I përjetshëm kujtimi i tij!

(BalkanWeb)