Anëtarësia e PD në bashkitë Pukë, Malësi e Madhe dhe Vau Dejës ka përfunduar votimin për kandidatët, ndërsa pjesëmarrja varion nga 60 në 70% në këto bashki.
Qarku i Shkodrës, me 11 mandate, ka një numër të madh kandidatësh për deputetë, 39 persona që synojnë të përfaqësojnë PD në zgjedhje.
Gazetari Senad Nikshiqi bën me dije për “BalkanWeb” se nga lista e kandidatëve vetëm në Vaun e Dejës dhe Pukë janë përjashtuar nga gara nga 1 kandidat.
Kështu në Pukë u skualifikua Prel Gjoni nga 7 kandidatë që ishin pjesë e listës së votimeve. Ndërsa në Vaun e Dejës u skualifikua Marin Tukaj nga 4 emra që ishin në garë.
Prel Gjoni është ish-kryetari i PD-së në Pukë, ndërsa Marin Tukaj është kryetari aktual i Forumit Rinor të PD në Vaun e Dejës.
Mësohet po ashtu se në Malësi të Madhe janë konfirmuar 5 kandidatët. Aktualisht po numërohen në Shkodër votat e anëtarësisë.
Dega Vau i Dejës
GJOK ULDEDAJ
MARIN TUKAJ (skualifikohet)
PJETER LLESHI
ZEF HILA
Dega Malësi e Madhe
ALDO GEGA
AUREL MARKAJ
ERMIRA COBAJ
FATBARDH ZEKAJ
RAMADAN LIKA
Dega Pukë
ANTONETA ZAJA
GEZIM VATA
HIL KOLA
LODOVIK HASANI
NDOC FASLIA
PREL GJONI (skualifikohet)
RROK DODA
(BalkanWeb)
