Një anije cisternë nafte është goditur nga një predhë e paidentifikuar pranë hyrjes së Ngushticës së Hormuzit, një nga korridoret më të rëndësishme të transportit të naftës në botë.

Sipas një njoftimi të United Kingdom Maritime Trade Operations (UKMTO), incidenti ndodhi rreth 11 milje detare në verilindje të qytetit të Limës, në Oman. Autoritetet detare britanike bëjnë me dije se anija ka pësuar dëmtime në dhomën e motorëve dhe aktualisht nuk është nën kontroll.

Roja Bregdetare rajonale është njoftuar dhe po monitoron situatën, ndërsa deri tani nuk raportohen viktima apo ndotje mjedisore si pasojë e incidentit.

Rrethanat e sulmit mbeten të paqarta dhe autoritetet po punojnë për të përcaktuar origjinën e predhës që goditi cisternën.