Presidenti rus Vladimir Putin është ankuar se Perëndimi ka punuar pa ndalim për të armatosur Ukrainën kundër Rusisë, duke kërkuar ta shkatërrojë atë.

“Armiku ka mjaft mjete moderne, pasi i gjithë komuniteti perëndimor po punon për armikun tonë, duke ëndërruar që Rusia të pushojë së ekzistuari në formën e saj aktuale”, tha Putin.

Vetë Perëndimi kolektiv ka krijuar një “sistem konfrontimi”, duke besuar se Rusia është një “pikë e dobët” në të, u shpreh Putin.

Putin nënvizoi nevojën e Rusisë për të zhvilluar më tej teknologjitë ushtarake dhe për të qenë “një hap përpara” nga kundërshtarët e vendit në mënyrë që të jetë “e suksesshme”.