Gazetari investigativ Artan Hoxha zbuloi në emisionin e sotëm “Të Paekspozuarit” në News24 se cilin film serial me mafiozë ndjek kryeministri Edi Rama.

Hoxha tha se kreu i qeverisë ndjek me vëmendjen serialin e njohur “Narcos” i cili tregon për kartelet e drogës në Amerikën Latine, shkruan BalkanWeb

“Kryeministri po e ndjek edhe kapitullin e tretë të filmit Narcos, e konspekton, ndërthur mafien, politikën dhe organet e zbatimit të ligjit,” tha ai.

Gazetari gjithashtu i dha edhe një këshillë ironike Edi Ramës duke i thënë të shohë edhe serinë e fundit të serialeve.

“Ai të shohë edhe serinë e fundit të Narcos-it, se aty humbin ustallarët (trafikantët e drogës) dhe fitojnë fuqitë e mëdha”.

 (e.f/BalkanWeb)