Deputeti i Partisë Demokratike, Luan Baçi, ka komentuar garën për drejtimin e PD-së, ku kandidon i vetëm Sali Berisha, duke deklaruar se askush nuk mund t’u imponojë demokratëve se kë duhet të zgjedhin si kryetar.

I ftuar në emisionin “Studio24”, Baçi u shpreh se anëtarësia e PD-së është ajo që vendos për drejtuesin e partisë dhe se kjo nuk mund të diktohet nga askush.

“Askush nuk i vë dot kushte demokratëve se kë duan të kenë kryetar”, deklaroi deputeti demokrat.

Luan Baçi: Nuk do merrem me retorikën për të thënë që atje nuk ka garë. Berisha është i pakonkurrueshëm. 3-4 figura të falin por jo individë që i porosisin që të dalin aty. Sali Berisha ka vërtetuar që me vota është kryetar i partisë. Ka shumicën dërrmuese. Kushdo që garon me Berishën as 4% të votave nuk merr. Berisha është sot për sot bashkuesi i opozitës. Ka disa partia parlamentare ose jo. Por nuk janë ata që do venë kushte partisë më të madhe opozitës kë do venë kryetare. Nuk i themi ne partive të reja kë keni kryetar ose jo.

Është qejfi i tyre. Ne kemi kryetar Sali Berishën. E zgjedhim ne kryetarin. Ata nuk duan të bashkohen, le ta gjejnë vetë hallin. Kemi Kodin zgjedhor. Zoti Lapaj, ka bërë propozimin për kodin, Berisha ka pranuar atë kod zgjedhor që ka propozuar zoti Lapaj. Me prag 4%. Nëse zhduket nën 4% nuk ja vlen. Nëse tremben nga pragu nuk janë parti politike. Janë propozuar lista të hapura, koalicione parazgjedhore. Po të miratohet një kod i tillë, nuk do ketë shumë nga ata që duan të futen në parlament. nëse u leverdis për të prishur le ta prishin. Nuk janë për rotacionin.