Deputeti i zgjedhur i Partisë Demokratike, Klevis Balliu, ka reaguar përmes një postimi në rrjetet sociale lidhur me raportin e IDC-CDI, duke theksuar se ky institucion kërkon krijimin e një qeverie teknike në Shqipëri.
Sipas Balliut, raporti përmend gjithashtu nevojën për ndalimin urgjent të përndjekjes së opozitës, përmes përdorimit të sistemit të drejtësisë ndaj liderëve opozitarë.
Ai e cilëson këtë raport si një provë përfundimtare të asaj që e quan farsë elektorale të 11 majit, duke u bërë thirrje qytetarëve që të dëgjojnë institucionet ndërkombëtare si OSBE-ODIHR dhe IDC-CDI, për të kuptuar vërtetësinë e akuzave të opozitës.
Klevis Balliu: IDC-CDI kërkon qeveri teknike në Shqipëri. Gjithashtu kërkon ndalimin urgjent të përndjekjes së opozitës nëpërmjet përdorimit të sistemit të drejtësisë për arrestimin e liderëve të opozitës. Ky raport fakton përfundimisht farsën elektorale të Edi Ramës. Për të gjithë ata që kishin dyshime për akuzat e opozitës sot mund të dëgjojnë OSBE ODIHR ose IDC-CDI.
