Ndërsa Partia Socialiste doli sot publikisht pro hapjes së listave, kryedemokrati Basha pritet të dalë në një konferecë për shtyp. Pikërisht këtë zhvillim e komentoi sot edhe kryeministri Rama.

Sipas tij, me Bashën ka një marrëveshje, atë të 5 qershorit që është fakt, por kjo nuk e pengon atë të dakordësojë për çështje të tjera që nuk e cënojnë këtë marrëveshje.

“Sa për daljen e kryedemokratit, siç e quani ju, ai bën punën e tij por marrëveshja është materiale është fakt dhe duhet gjykuar mbi materien jo mbi fjalët. Nëse kanë menduar që marrëveshja është dryn për të mbyllur gojët dhe diskutimet e Kuvendit për të tjera aspekte jashtë saj e kanë menduar gabim”.

(BalkanWeb)