Belgjika nuk e ka përjashtuar mundësinë e dërgimit të personelit ushtarak në Ukrainë, tha ministri belg i Mbrojtjes Theo Francken.

Ministri i Mbrojtjes i Belgjikës, Theo Francken, tha në një intervistë se ai do të ishte i hapur për të dërguar trupat e tij në Ukrainë – në kushte të caktuara.

“Para së gjithash, duhet të ketë një marrëveshje paqeje. Dhe ne nuk jemi ende atje. . . kjo po ndodh në një mënyrë shumë kaotike,” tha Francken, duke lënë të kuptohet për bisedimet SHBA-Rusi.

Ai shtoi se “brenda marrëveshjes së paqes, duhet të ketë një aspekt ku ka një zbatim të ligjit ndërkombëtar ose zbatim të paqes, një koalicion trupash”. “Kur korniza është e qartë . . . kur rregullat e angazhimit janë të qarta, atëherë [dërgimi i trupave] mund të jetë një mundësi, “tha Francken.

 

(A.A/BalkanWeb)