Presidenti amerikan Donald Trump ka reaguar lidhur me bombardimet e ndodhura në Venezuelë mëngjesin e kësaj të shtune.
Nëpërmjet një reagimin në “Truth Social”, Trump ka thënë se sulmet janë kryer në shkallë të gjerë. Trump shtoi se ‘Nicolas Maduro dhe bashkëshortja e tij, janë kapur dhe larguar nga vendi”. Gjithashtu nënvizoi se sulmet janë kryer në orët e para të mëngjesit.
“Shtetet e Bashkuara të Amerikës kanë kryer me sukses një sulm në shkallë të gjerë kundër Venezuelës dhe udhëheqësit të saj, Presidentit Nicolas Maduro, i cili, së bashku me gruan e tij është larguar me aeroplan nga vendi. Ky operacion u krye në bashkëpunim me forcat e rendit të SHBA-së. Do të ketë një konferencë për shtyp sot në Mar-a-Lago. Faleminderit për vëmendjen tuaj ndaj kësaj çështjeje! President DONALD J. TRUMP”, thotë Trump në reagimin e tij.
